नेपाली गीत संगीतको क्षेत्रमा नयाँ पुस्ताहरु आउने क्रम जारी नै छ । कतिपय लोकप्रिय भईसकेका गीतहरुलाई आफ्नो शैलीमा गाएर कभर भर्सनमा रिलिज गर्ने क्रम पनि चलिरहेकै छ ।
यस्तै नयाँ पुस्ताका दुई दिदी बहिनी जो अहिले कबड्डी–४ फिल्मको कभर भर्सनको गीत गाएर चर्चामा आएका छन् ।
ती दिदीबहिनी हुन् अन्तरा र गुञ्जन उपाध्याय । उनीहरुले आफ्नो युट्युब च्यानल ‘नेपसिस्टर्स’ को नामबाट गीतको भिडियो अपलोड गर्ने गरेका छन् ।
नेपाली फिल्म कबड्डी–४ को ‘आँखामा सपना केशरी’ भन्ने बोलको गीत कभर भर्सनमा उनीहरुले गाएका हुन् । जुन गीत राम अबिरल बिष्टले लेखेका हुन् भने यसमा ओरिजिनल आवाज एस डी योगीले दिएका हुन् । केशरी शीर्षकमा यो फिल्मको फिमेल भर्सनमा अन्तरा र गुञ्जनले गाएर युट्युब च्यानलबाट सार्वजनिक गरेका छन् । जसको म्युजिक भिडियोको प्रोडक्सन भद्रेश्वर बर्मन र छायांकन तथा सम्पादन रमेश थापाले गरेका छन् ।
Click here for the video:
