काठमाडौं महानगरपालिकाको मतगणना जारी रहेका वडा नम्बर १,२,३,४ र ३२ हरेकमा मेयर पदका स्वतन्त्र उम्मेदवार बालेल शाहले अग्रता लिएका छन्।
वडा नम्बर १ मा बालेन ५ सय ५० मतसहित पहिलो स्थानमा छन्। ३ सय ५० मतसहित नेपाली कांग्रेसकी सिर्जना सिंह दोस्रो र २ सय ७३ मतसहित नेकपा एमालेका केशव स्थापित तेस्रो स्थानमा छन्। यस्तै, २ नम्बर वडामा पनि ५ सय ५७ मतसहित बालेनलै नै अग्रता लिएका छन्। उनलाई स्थापितले ३ सय ५१ मतसहित पछ्याइरहेका छन्। कांग्रेसकी सिर्जना सिंह २ सय चार मतसहित तेस्रो स्थानमा छिन्।
यसैगरी वडा नम्बर ३ मा पनि अग्रता लिएका बालेनले ३ सय ४९ मत ल्याएका छन्। दोस्रो स्थानमा रहेकी सिर्जना सिंहले २ सय ८४ मत ल्याएकी छन् र स्थापितले २ सय ८ मत ल्याएका छन्। वडा नम्बर ३ मा पनि अग्रता लिएका बालेनले ३ सय ४९ मत ल्याएका छन्। दोस्रो स्थानमा रहेकी सिर्जना सिंहले २ सय ८४ मत ल्याएकी छन् र स्थापितले २ सय ८ मत ल्याएका छन्।
यस्तै, ३२ नम्बर वडामा पनि अग्रता लिएका बालेनले ५ सय ८२ मत प्राप्त गरेका छन्। ३ सय दुई मतसहित स्थापित दोस्रो र २ सय ५७ मतसहित सिर्जना तेस्रो स्थानमा छिन्।
