सिजन मिडियाले स्कुलका विद्यार्थीको प्रतिभा प्रष्फुटन गर्नका लागि आयोजना गरेको ‘जुनियर स्कुल प्रिन्स एण्ड प्रिन्सेस’ प्रतियोगिताको सिनियर गल्र्सतर्फ मिनल केसीले उपाधि जितेकी छिन् ।
प्रतियोगितामा सिरपा बज्राचार्य फष्ट रनर अप र प्रिशा श्रेष्ठ सेकेन्ड रनर अप भएका छन् । प्रतियोगिताको जुनियर गल्र्सतर्फ भने अभानी अर्यालले उपाधि जित्न सफल भइन् । यस्तै शुभानी कार्की फष्ट रनर र स्मारिका महर्जन सेकेण्ड रनरअप भए ।
यस्तै, व्वाइजतर्फ प्रनिश श्रेष्ठ विजयी भएका छन् । श्रेष्ठले २०१ नम्बर ल्याएका थिए भने उनीभन्दा एक नम्बर मात्रै कम २०० अंक प्राप्त गरी सिद्धार्थ घिमिले सेकेन्ड रनर अप भए ।
प्रतियोगितामा सिरपा बज्राचार्यले स्मार्ट, मेरिन श्रेष्ठले क्यूट, एन्चेन गुरुङले इनोसेन्ट, सिवानी चापागाईले डिसिप्लिन, सुहाना मुसाजुले व्यूटिफूल, मिनल केसीले पर्सनालिटी, प्रिसा श्रेष्ठले चार्मिङ र सिमोन पोटेले इन्टेलिजेन्स अवार्ड हात पार्न सफल भए ।
यस्तै अभानी अर्यालले कम्फिडेन्ट, सान्भी निरौलाले क्यूट, शुभानी कार्कीले चार्मिङ, अल्विन्का देवकोटाले इनोसेन्ट, स्मारिका महर्जनले स्मार्ट, आर्याना लक्ष्मी गुरुङले व्यूटिफूल, समृद्धि चौहानले डिसिप्लिन,वैभवी श्रेष्ठले एक्टिभ, आरोही तिवारीले ईन्टेलिजेन्स र रोजाश्री केसीले पर्सनालिटी अवार्ड प्राप्त गरिन ।
अर्को व्वाइज क्याटगोरीतर्फ प्रिन्स भट्टराईले इनोसेन्ट, गौतम घिमिरेले ह्याण्डसम, प्रनिश श्रेष्ठले कन्फिडेन्ट, सिद्धार्थ घिमिरेले पर्सनालिटी र उज्जन लाल श्रेष्ठले डिसिप्लिन अवार्ड प्राप्त गरे ।
बालिकाको प्रतिभा प्रस्तुति तथा व्यक्तित्व विकासका लागि सिजन मिडियाले विगत १० वर्षदेखि निरन्तर रुपमा आयोजना हुदै आएको ‘जुनियर स्कुल प्रिन्स एण्ड प्रिन्सेस’ प्रतियोगिता वैशाख २६ गते सम्पन्न गरिएको थियो ।
सिजन मिडियाका कार्यक्रम निर्देशक रेजिना तुलाधरका अनुसार बालबालिकालाई व्यक्तित्व विकासका साथै विज्ञबाट बाल उपायोगी प्रशिक्षण गराइएको थियो ।
