कलाकार प्रकाश सपुतले समाजको भावनालाई बुझेर पीर गीतबाट विवादित दृश्य हटाएको बताएका छन् ।
बिहीबार काठमाडौंमा आयोजित कार्यक्रममा उनले गीतमा रहेको देहव्यापार सम्बन्धी दृश्य कसैको दबाबमा नभई समाजको भावनालाई ध्यानमा राखेर हटाएको बताए । आफु समाजबाट परिचालित भएको भन्दै अन्य कुनै शक्तिले आफूलाई परिचालित नगरेको उनको भनाइ छ ।
सोहि गितकी अभिनेत्री सुरक्षा पन्तले दृश्य हटाउने कुरा गायक सपुतको नितान्त व्यक्तिगत कुरा भएको बताईन् । अभिनेत्री पन्तले समाजमा भएका कुराहरुलाई भावनासँग जोड्दा राम्रो हुने सोचका साथ त्यो दृश्य हटाइएको पनि बताईन् ।
पीर गीतमा रहेको देहव्यापार सम्बन्धी दृश्य समावेश गरेको भन्दै केहि व्यक्तिले सपुतको आलोचना गरेका थिए । त्यस लगतै सपुतले गीतबाट उक्त दृश्य हटाएर गीत युट्युवमा पुन अपलोड गरेका थिए ।
