राष्ट्रिय परीक्षा बोर्डले माध्यमिक शिक्षा परीक्षा (एसईई) वैशाखमा र कक्षा १२ को परीक्षा भने जेठमा गर्ने निर्णय गरेको छ ।
शनिबार बसेको बोर्डको बैठकले एसईई वैशाखमा र १२ को जेठमा गर्ने निर्णय गरेको हो ।
कोरोनाको बढ्दो जोखिमलाई मध्यनजर गर्दै एसईई वैशाखमा र जेठमा १२ को परीक्षा गर्ने निर्णय गरेको जानकारी बोर्डका अध्यक्ष महाश्रम शर्माले दिएका छन् । उनले चाँडै परीक्षा तालिका सार्वजनिक गर्ने समेत बताए ।
कोभिडको कारण यो वर्ष विद्यालय बन्द भएको र पठनपाठन समेत केही प्रभावित भएकाले परीक्षा केही समय पछि सारिएको बताइएको छ ।
बोर्डले यही शैक्षिक सत्रदेखि कक्षा १० को परीक्षा प्रदेशस्तरीय बनाउने तयारी थालेको समेत जनाएको छ ।
