प्रधानमन्त्री शेरबहादुर देउवा अहिले आइसोलेसनमा बसेका छन् ।
नेकपा ९माओवादी केन्द्र०का अध्यक्ष प्रचण्ड, नेता नारायणकाजी श्रेष्ठ लगायतका नेताहरुमा संक्रमण पुष्टि भएपछि देउवाले भेटघाट बन्द गरी आइसोलेसनमा बसेका हुन् ।
कोभिड १९ को कुनै पनि लक्षण नदेखिएतापनि कन्ट्याक्ट ट्रेसिङमा परेपछि शनिबारदेखि नै प्रधानमन्त्री देउवा आइसोलेसनमा बसेको प्रधानमन्त्रीको सचिवालयले जनाएको छ ।
शुक्रबार सत्ता गठबन्धन दलका शीर्ष नेताहरुसहित उच्चस्तरीय समन्वय समितिको बैठकमा प्रधानमन्त्री देउवा सहभागी थिए । त्यसको भोलिपल्ट अर्थात् शनिबार माओवादी केन्द्रका अध्यक्ष प्रचण्ड, नेता नारायणकाजी श्रेष्ठ लगायतमा कोभिड पुष्टि भएको थियो ।
