काठमाडौं। बाँकेमा एक युवामाथी धारिलो हतियार प्रहार हुँदा गम्भीर घाइते भएका छन्। अज्ञात व्यक्तिले आज विहान कोहलपुरस्थित चप्परगौडीका २८ वर्षीय मीनबहादुर विकलाई धारिलो हतियार प्रहार गर्दा घाइते भएको प्रकरीले जनाएको छ।
प्रहरी नायब उपरीक्षक नारायण डाँगीले विकलाई आज बिहान अज्ञात व्यक्तिले धारिलो हतियार प्रहार गरी गम्भीर घाइते बनाएको जानकारी दिए।
बिकलाई घर नजिकै पछाडिबाट अज्ञात व्यक्तिले टाउको तथा शरीरका अन्य भागमा धारिलो हतियार प्रहार गरी घाइते बनाएको डाँगीले बताए।
घाइते विकको नेपालगञ्जस्थित नर्सिङहोममा उपचार भइरहेको प्रहरी नायब उपरीक्षक डाँगीले बताए। हतियार प्रहार गर्ने व्यक्तिको खोजी भइरहेको छ।
