काठमाडौं।काठमाडौं पेप्सीकोला–काँडाघारी सडक खण्डमा बिहान बसले अरु गाडीलाई ठक्कर दिँदा कम्तिमा १२ जना घाइते भएका छन्।घाइतेमध्ये एक जनाको अवस्था गम्भीर रहेको प्रहरीले जनाएको छ।
बिहान पौने ८ बजे जडीबुटीबाट पेप्सीकोलातर्फ जाँदै गरेको बसले एउटा जीप,मोटरसाइकल र स्कुटरलाई ठक्कर दिएको प्रहरीले जनाएको छ।ओभरटेक गर्ने क्रममा बस अन्य गाडीसँग ठोक्किएको हुन सक्ने प्रहरीको अनुमान छ।
दुर्घटनामा परेका गाडीको नम्बर खुलेको छैन भने घटनाको विस्तृत विवरण पनि आएको छैन। प्रहरीले अनुसन्धान भइरहेको जनाएको छ।
