एनआरएनए एनसीसी युएसको सचिव पदमा ब्यास बिस्सु (विश्व सुबेदी)को उम्मेदवारीः भन्छन्, नमुना काम गरेर देखाउँछु

युएसए।
गैरआवासीय नेपाली संघ राष्ट्रीय समन्वय परिषद एनआरएनए एनसीसी अमेरिकाको आसन्न निर्वाचनका लागी सचिव पदमा विश्व सुबेदी (ब्यास बिस्सु) ले उमेदवारी दिएका छन् । २० वर्ष अघि सन् २००३ मा बिद्यार्थी भिसामा अमेरिका पुगेका सुवेदीले आगामी कार्यकालका लागी उमेदवारी दिएका हुन् ।

तनहुँमा जन्मिएर अध्ययनको सिलसिलामा अमेरिका पुगेका सुवेदीले बिगत १३ वर्ष देखि प्रोफेसनल इन्जिनीरिंग र आईटीका काममा व्यस्त रहेका छन् भने कुशल समाजसेवी तथा सहयोगीको पहिचान बनाएका छन् । विषेश गरि युवापुस्ताहरुलाई हरेक क्रियाकलापमा अगाडी बढाउनुपर्छ भन्ने धारणासहित विभिन्न कार्यक्रमहरुमा तल्लिन सुवेदी युवापुस्तामा लोकप्रिय देखिन्छन् । उमेदवारी दिएपछी उनले सचिव पदमा आफुँ निर्वाचित भएपछी युवालक्षीत विभिन्न कार्यक्रमहरुलाई वार्षिक क्यालेन्डरमै समावेश गर्ने बताएका छन् ।

त्यति मात्रै नभै सुवेदि नेपालमा समयसमयमा आइपर्ने संकट र समस्याहरुमा पनि सहयोगि भुमिका निर्वाह गर्दै आइरहेका छनु । भुकम्प, बाढीपहिरो, कोरोना महामारी, लगाएतको प्रकोपहरु, त्यस्तै उपचार अभावमा तड्पिरहेका नेपालीको उपचार सहयोगमा मात्रै नभै नेपालमा शैक्षिक गतिविधी जस्तै विद्यालय भवन निर्माण लगाएत हरेक क्षेत्रमा आर्थिक सहयोग गर्दै आइरहेका छन् ।

उनले यदि सचिव पदमा निर्वाचित भए यस्ता सयौं कार्यक्रमलाई थप निरन्तरता दिदैं एनआरएनए एनसीसी अमेरिकालाई उदाहरणिय बनाउने प्रतिबद्धता पनि व्यक्त गरेका छन् ।