काठमाडौं। प्रधानमन्त्री पुष्पकमल दाहाल प्रचण्ड चार दिने भारत भ्रमण पूरा गरेर आज स्वदेश फर्किँदै हुनुहुन्छ।यसअघि शुक्रबार प्रधानमन्त्री दाहालले भारतको मध्य प्रदेशस्थित उज्जैनको भ्रमण गर्नुभएको थियो।
नयाँदिल्लीमा राजनीतिक भेटघाट सकेर विशेष विमानमार्फत शुक्रबार इन्दौर प्रस्थान गर्नुभएका प्रधानमन्त्री दाहालले त्यहाँको महाकालेश्वर मन्दिरमा रहेको वास्तुकलाको अवलोकनका साथै पूजापाठ गर्नुभएको थियो।
प्रधानमन्त्री प्रचण्ड दिउँसो इन्दौरबाट दिल्ली फर्किने र दिल्लीबाट नेपाल वायुसेवा निगमको नियमित उडानबाट काठमाडौं फर्किने कार्यक्रम रहेको छ।
प्रधानमन्त्री प्रचण्डले आफ्नो चार दिने भारत भ्रमण पूर्ण रूपमा सफल भएको दाबी गर्नुभएको छ। यसले नेपालको आर्थिक समृद्धि र विकास प्रक्रियामा नयाँ इँटा थपेको उहाँको भनाइ छ।
