धरान उपमहानगरपालिकाको मेयरमा स्वतन्त्र उम्मेदवारले अग्रता कायम गरेका छन् ।
जारी मतगणनामा स्वतन्त्र उम्मेदवार हर्कराज राईले ८ हजार १ सय ४० मतसहित अग्रता कायम गरेका छन् । उनका निकटतम प्रतिद्धन्दी नेपाली कांग्रेसका उम्मेदवार किशोर राईले हर्कराजलाई पछ्याइरहेका छन् । हाल किशोरले ८ हजार १ सय २६ मत प्राप्त गरेका छन् ।
त्यस्तै, नेकपा एमालेकी उम्मेदवार मन्जु भण्डारी सुवेदी ६ हजार ७ सय १३ मतसहित तेस्रो स्थानमा रहेकी छिन् ।
उपमेयरमा भने माओवादी केन्द्रका उम्मेदवार अइन्द्रबिक्रम बेघाले अग्रता कायम गरेका छन् । उनले हालसम्म ९ हजार १ सय ३६ मत प्राप्त गरेका छन् ।
