यूक्रेनको मध्य शहर डिनिप्रोको विमानस्थलमा भएको रूसी गोलाबारीले विमानस्थल पूर्ण रूपमा ध्वस्त भएको स्थानीय अधिकारीले जनाएका छन् ।
शहरको सैन्य प्रशासनका प्रमुख भ्यालेन्टिन रेज्निचेन्कोले टेलिग्राममार्फत् भने, “डिनिप्रो विमानस्थलमा अर्को आक्रमण भएको छ । विमानस्थल आफैं र त्यस वरपरका पूर्वाधारहरू ध्वस्त भएका छन् ।”
अधिकारीहरूले आक्रमणबाट पीडित भएकाहरूबारे जानकारी दिन सूचना सङ्कलन भइरहेको बताएका छन् ।
आइतबार डिनिप्रो शहरमा रूसले आक्रमण तीव्र बनाएको रेज्निचेन्कोले बताए ।
रुसी आक्रमण सुरू भएपश्चात् रुसी सेनाले दश लाख मानिस बसोबास गर्ने औद्योगिक शहरलाई निशाना बनाएको छ ।
