इण्डियन प्रिमियर लिग (आइपिएल) अन्तर्गत लखनउ सुपर जाइन्टले दिल्ली क्यापिटल्सलाई पराजित गरेको छ । गएराती सम्पन्न खेलमा लखनउले दिल्लीलाई ६ विकेटले पराजित गरेको हो ।
दिल्लीले दिएको १५० रनको लक्ष्य पछाएको लखनउले १९.४ ओभरमा ४ विकेट गुमाउदै लक्ष्य पुरा गरेको थियो ।
लखनउका लागि क्वेंटन डिककले सर्बाधिक ८० रन बनाए भने कप्तान केएल राहुलले २४, क्रुनाल पाण्डेयले १९, दिपक हड्डाले ११ र आयुष बादोनीले १० रन बनाएका थिए ।
यसअघि टस हारेर पहिला ब्याटिंग गरेको दिल्लीले २० ओभरमा ३ विकेट गुमाउदै १४९ रन बनाएको थियो ।
दिल्लीका लागि पृथ्वी शाले सर्बाधिक ६१ रन बनाए भने कप्तान ऋषव पन्तले अविजित ३९ र सरफराज खानले अविजित ३६ रन बनाएका थिए ।
यो जितपछि लखनउ सुपर जाइन्टले ४ खेलमा तेस्रो जित हासिल गर्दै ६ अंक बनाएको छ भने दिल्लीको ३ खेलमा एक जित र २ हारसहित २ अंक रहेको छ ।
