अमेरिकी विकास सहयोग मिलेनियम च्यालेञ्ज कर्पोरेशन (एमसीसी) विरुद्ध शुक्रबार पनि प्रर्दशन भएको छ ।
नेकपा माओवादी केन्द्र, नेकपा एकीकृत समाजवादीलगायतका राजनीतिक दलका भ्रातृ संगठनले एमसीसीविरुद्ध विगत एक हप्तादेखि प्रदर्शन गर्दै आएका छन् ।
एमसीसी मुलुकको हित बिपरित रहेको भन्दै उनीहरुले काठमाडौंको नयाँ बानेश्वर क्षेत्रमा प्रदर्शन गरेका हुन् । शुक्रबार बानेश्वरमा झडपको अवस्था नदेखिएता पनि प्रदर्शनका कारण केहिबेर सो क्षेत्रको यातायात आवागमन भने अवरुद्ध भएको थियो । दैनिक जस्तो भैरहेको प्रदशनका कारण स्थानियले सास्ती खप्नु परेको छ ।
