नेकपा माओवादी केन्द्रको आठौं राष्ट्रिय महाधिवेशन अन्तर्गत शुक्रबार(आज)को बन्दसत्र सुरु भएको छ ।
कमलादीस्थित प्रज्ञा भवनमा जारी बन्दसत्रमा अध्यक्ष प्रचण्डले आफ्नो राजनीतिक प्रतिवेदनमाथि राखिएका प्रश्न तथा टिप्पणीको जवाफ दिने छन् । अहिले भने बन्दसत्रमा निर्वाचन आयोगको तर्फबाट प्रस्तुति सुरु भइसकेको छ ।
स्थायी कमिटी बैठक सकिएलगत्तै बन्दसत्र सुरु भएको नेकपा माओवादी केन्द्रले जनाएको छ । बन्दसत्रमा दिने जवाफबारे छलफल गर्न माओवादी स्थायी कमिटीको बैठक बसेको थियो ।
