काठमाडौ । मेलिना राईको स्वरमा रहेको ‘सँगै बाँचौला’ गीतको म्युजिक भिडियो सार्वजनिक भएको छ ।
फोटोपत्रकार प्रदीपराज वन्त र सविता श्रेष्ठको जीवन्त अभिनय रहेको उक्त भिडियोले नेपालकै गाउँघरको यर्थाथ चित्रण गरेको देख्न सकिन्छ । दर्शकहरुले भिडियो हेर्दा आफ्नै कथा झल्किएको पाउने भएकाले पनि बजारमा अहिले सो म्यूजिक भिडियोको चर्चा चलेको हो जसमा वन्त र श्रेष्ठको अब्बल अभिनयले सुनमा सुगन्ध थपिदिएको छ ।
गीतकार सान्तोष जंग थापाको शब्द रचना र नविन कार्कीकोे संगीत रहेको गीतलाई सुमन केसीले एरेन्ज गरेका हुन् ।
रेजिना तुलाधरको निर्देशन रहेको भिडियोमा नविन बाबु गुरुङको सिनेमाटोग्राफी र नविन निरौलाको सम्पादन रहेको छ । सिजन इन्टरटेन्मेनटद्वारा निर्माण गरिएको भिडियोलाई सिजन टिभीको युट्युब च्यानल मार्फत् सार्वजनिक गरिएको हो ।
