२०४२ सालमा चोरी भएर अमेरिकाको टेक्सस पुर्याइएको लक्ष्मी नारायणको मूर्तिलाइ पहिलेकै मन्दिरमा प्रतिस्थापन गरिएको छ । शनिबार ललितपुरको पट्को टोलमा बाजागाजा र पूजाअर्चनासहित मूर्तिलाई मन्दिरमा प्रतिस्थापन गरिएको हो ।
गएको चैत्र अन्तिम साता लक्ष्मी नारायणको मूर्ति अमेरिकाबाट नेपाल फर्काइएको थियो भने त्यसलगतै अमेरिकी दूतावासले नेपाल सरकारलाई मूर्ति हस्तान्तरण गरेको थियो । मूर्ति अमेरिकाको डल्लास म्युजियममा प्रदर्शनमा रहेको पाइएपछि नेपाल फर्काउन पहल गरिएको थियो ।
