श्रम रोजगार तथा सामाजिक सुरक्षा मन्त्री किसान श्रेष्ठले मजदुरका समस्या समाधान गर्न कुनै कसुर बाँकी नराख्ने बताएका छन् ।
शनिबार काठमाडौं मोर्डन स्कूल अलुमनाईले गरेको कार्यक्रममा सफाई मजदुरहरुलाई ट्रयाक वितरण गर्दै मन्त्री श्रेष्ठले मजदुरका समस्या समाधन गर्न आफ्नो मन्त्रालय तयार रहेको बताएका हुन् । आफू सामान्य किसानको छोरो भए पनि जनताले मन्त्रालयमा पठाएको बताउँदै काम गर्ने मान्छेलाई जनताले साथ दिने उनले बताए ।
मन्त्री श्रेष्ठले आफू केही परिवर्तन गर्न मन्त्री बनेको उल्लेख गर्दै परिवर्तनका केही संकेत देखापरिसकेको बताए । श्रम विभागमा नियमित अनुगमन गर्ने देखि वैदेशिक रोजगारीका लागि जानलागेका श्रमिकलाई ठगिनबाट बचाएर आफूले सक्दो प्रयास गरेको उनले जानकारी दिए । कार्यक्रममा सरसफाई मजदुरहरुलाई २१ वटा संघसंस्थाद्वारा ट्रयाक सुट वितरण गरिएको थियो ।
