काठमाडौं। पूर्व उपप्रधानमन्त्री तथा तथा नेकपा एमालेका सचिव टोपबहादुर रायमाझी पक्राउ परेका छन्। नेपालीहरूलाई नक्कली भुटानी शरणार्थी बनाएर अमेरिका पठाउने गिरोहको नाईके अन्र्गत नै पर्ने नेता रायमाझिालाई प्रहरीले भैरहवाबाट नियन्त्रणमा लिएको छ।
अर्घाखाँचीको कार्यक्रम सकेर काठमाडौं आउँदै गरेका उनलाई भैरहवाबाट नियन्त्रणमा लिइएको प्रहरी उच्च स्रोतले बतायो।अहिले उनलाई भैरहवाबाट काठमाडौं ल्याउने तयारी भइरहेको छ।
नेपालीहरूलाई नक्कली भुटानी शरणार्थी बनाएर अमेरिका पठाउने गिरोहमा संलग्न रहेको आरोप रायमाझीसहित एमालेका हाईप्रोफाईल नेताहरुमाथि छ ।उनका छोरा सन्दीपको नाममा डेढ करोडको चेक काटिएको पनि भेटिएको छ ।
रायमाझीका छोरा सन्दीपलाई बुधवार नै प्रहरीले पक्राउ गरेको थियो । उनलाई आज अदालतमा पेश गर्ने तयारी गरिएको छ ।यस्तै तत्कालीन गृहमन्त्री रामबहादुर थापा ‘बादल’का छोरा प्रतीक थापालाई पनि प्रहरीले खोजी गरिरहेको छ।
प्रहरीले यही प्रकरणमा उपराष्ट्रपति कार्यालयका सचिव टेकनारायण पाण्डे र बादलका तत्कालीन सुरक्षा सल्लाहकार इन्द्रजीत राईलाई प्रहरीले पक्राउ गरिसकेको छ। यहि प्रकरणमा अहिलेसम्म हाईप्रोफाईल ८ जना पक्राउ परिसकेका छन्।
