काठमाडौं। नेप्लिज एसोसिएसन नर्दन क्यालिफोर्निया(एनएएनसी)का अध्यक्ष प्रितेश कार्कीले एनआरएनए समस्या सम्बोधनमा राज्य जिम्मेवार नबनेको बताएका छन्। टिभि सन्डे अनलाईन टेलिभिजनमा पत्रकार तिलक पौडेलसँगको अन्तर्वार्ताका क्रममा कार्किले यस्तो बताएका हुन्।
उनले एनआरएनए र नेपाल सरकारले पटकपटक विभिन्न सहमती र छलफल गरेपनि टुँगोमा पुग्न नसकेको बताएका छन्। कार्किले कतिपय कुराहरुमा विभिन्न बहानामा गैरआवासिय नेपालीहरुलाई एनआरएनए सदस्यता वितरण गर्ने नेतृत्वकर्ताहरु पनि नेतृत्वदायी भुमिकामा पुगेको केहि समयमै आफ्ना बाचा प्रतिबद्धताहरु बिर्सिने र चुक्ने गरेको गुनासो गरे।
फरक प्रसंगमा कार्किले नेपालमा पछिल्लो समय उत्पन्न गतिविधीले केहि परिवर्तको आशा जगाएपनि सन्तुष्ट हुन भने सकिने अबस्था नरहेको बताएका छन् । अमेरिकामा सफल युवा उद्यमी बनेर फरक पहिचान समेत बनाएका कार्कीले व्यक्ति र राष्ट परिवर्तन गर्न इमान्दारिता महत्वपुर्ण हुने भन्दै हरेक व्यक्तिले सुरुमा इमान्दारीतालाई प्राथमिकतामा राख्न पर्ने सुझाव दिन्छन् ।
कार्किसँगको भिडियो तथा अडियो सामाग्री टिभि सन्डेको अनलाईन पत्रिका, सामाजिक सञ्जाल(फेसबुक, ट्विटर, टिकटक) लगाएतका माध्यमबाट पनि हेर्न र सुन्न सकिनेछ ।
