एमसीसी सम्झौताको विरोधमा उत्रिएका प्रदर्शनकारी र प्रहरीबीच काठमाडौंको बिजुलीबजारमा झडप भएको छ ।
एमसीसीको विरोध गर्दै नयाँ बानेश्वरसम्म आउन लाग्दा प्रहरीले प्रदर्शनकारीलाई बिजुलीबजारमा रोक्ने क्रममा प्रदर्शनकारी र प्रहरीबीच झडप भएको हो ।
झडपमा केही प्रदर्शनकारी घाइते भएका छन् । एमसीसीको विरोधमा उत्रिएकाहरूले एमसीसी चाहिँदैन, एमसीसी सम्झौता खारेज गर लगायतका नारा लगाएका थिए । एमसीसीको विरोधमा नेकपा, नेकपा क्रान्तिकारी निकट युवाहरुले प्रदर्शन गरेका हुन् ।
