जिन्दगीको यात्रालाई संकेत गर्दै अन्तरा उपाध्यायले बाटो लामो सार्वजनिक गरेकी छन् । टुंगा नेपालको लयात्मक शब्द र गुञ्जन उपाध्यायको सुमधुर संगीतमा उनिएको गीतको म्यूजिक भिडियो सार्वजनिक भएपछि यतिवेला गीत सँगसँगै म्यूजिक भिडियोले पनि उत्तिकै प्रशंसा बटुलिरहेको छ ।
भिडियोमा नेपसिस्टर्सको उपनामले चिनिने अन्तरा उपाध्याय र गुञ्जन उपाध्याय साथसाथै राम छन्त्याल, प्रतीक्षा देवकोटा पनि देखिएका छन् भने निश्मा लुइँटेल, पलिशा स्थापित र सुस्मिता केसीको नृत्यले सुनमा सुगन्ध थपिदिएको छ । गीतको शक्तिशाली पक्षका रुपमा रहेको म्यूजिक भिडियोको कथा र निर्देशनको श्रेय भने प्रतीक्षा देवकोटा र श्रेया सुवेदीलाई जान्छ ।
भिडियो ओएसआर डिजिटलको आधिकारिक यूट्युब च्यानलमार्फत् सार्वजनिक गरिएको हो ।
