१३ भदौ, काठमाडौं ।
प्रधानमन्त्री शेरबहादुर देउवा मन्त्री परिषद विस्तारका लागि छलफलमा जुटेका छन् ।
केहीदिन देखी विभिन्न चरणमा छलफल गरिरहेका प्रधानमन्त्री देउवाले आज विहान सत्ता गठबन्धन दलका शिर्ष नेताहरुसंग परामर्श गरेका छन् । सरकार गठन भएपनि पूर्णता नपाईरहेको अवस्थामा देउवाले मन्त्री परिषदलाई पूर्णता दिने बारमो छलफल सुरु गरेको प्रधानमन्त्री कार्यालयले जनाएको छ ।
प्रधानमन्त्री देउवाले सत्ता गठबन्धन दलका शीर्ष नेताहरुसँग परामर्श गरेका छन् ।
प्रधानमन्त्री देउवाले नेकपा माओवादी केन्द्रका अध्यक्ष प्रचण्ड र नेकपा एकीकृत समाजवादीका अध्यक्ष माधव कुमार नेपालसँग आइतबार बिहान परामर्श गरेका हुन् । बालुवाटारमा भएको छलफल मन्त्रिपरिषद विस्तारको विषयमा केन्द्रित रहेको स्रोतले बतायो ।
गत असार २९ गते प्रधानमन्त्री नियुक्त भएका देउवा नेकपा एकीकृत समाजवादीले निर्वाचन आयोगबाट मान्यता पाएपछि मन्त्रिपरिषद विस्तार गर्ने तयारीमा थिए । आयोगले यही भदौ ९ गते नेकपा एकीकृत समाजवादीले दल दर्ताको प्रमाणपत्र उपलब्ध गराइसकेको छ । अब छिटै नेकपा एकीकृत समाजवादी र जसपालाई समेटेर मन्त्रिपरिषद विस्तार हुन्छ,’ देउवा निकट एक नेताले भने । हाल सरकारमा कांग्रेसको तर्फबाट गृहमन्त्री बालकृष्ण खाँण र कानुनमन्त्री ज्ञानेन्द्रबहादुर कार्की तथा माओवादीको तर्फबाट अर्थमन्त्री जनार्दन शर्मा र ऊर्जामन्त्री पम्फा भुसाल मात्र छन् । कांग्रेसको तर्फबाटै उमेश श्रेष्ठ स्वास्थ्य राज्यमन्त्री छन् ।
